Musiqa inson qalbiga nur va zavq bag‘ishlaydi. Ayniqsa, milliy cholg‘ularimizni o‘rgatish jarayoni yosh avlodni Vatanga muhabbat, milliy qadriyatlarimizni e’zozlash ruhida tarbiyalaydi. Shoberdiyeva Dilobar o‘z darslarida dutor cholg‘usining sir-asrorlarini o‘quvchilarga puxta o‘rgatib, ularning nafaqat kasbiy mahoratini, balki musiqiy did va estetik tafakkurini ham rivojlantirishga alohida e’tibor qaratmoqda.

Dars jarayonida o‘quvchilar dutor chalish texnikasini mukammal o‘zlashtirib, milliy kuylarimizni jo‘shqinlik bilan ijro etishmoqda. O‘qituvchi tomonidan berilayotgan bilim va ko‘nikmalar yosh iste’dodlarning kelajakda san’at sohasida munosib o‘rin egallashiga mustahkam zamin yaratmoqda.